Tosun Ewropayî de vîrardî

2013-09-23 22:11:08

STENBOL (DÎHA) - Şaristanî Serêkanîyêya Rojawanî 14 êlule de MLKPij Serkan Tosun (Mazlum) pêkewtişî cuyayişê xo da. Seba vîrardişa Tosun û 7 YPGij ser Şaristanê Ludwîgshafena Almanyayê merasîm viraştî. Merasîm sifteyin têkoşîndayişa Tosun û 7 heb YPGij ser bi temaşekerdişa sînevîzyonî de dest pê kerd. Hewna merasîmî ra MLKP, YPG û KCK peyam erşawitî û peyaman ame wendişî. 

Peyaman de verî bi hevparî de têkoşîn dayişî vejîya. 

Hewna seba Tosunî de şaristanê Den Haaqa Hollandayî de zî seba Tosunî merasîm ame viraştişî. Merasîmî de Serekê Meclîsa Şara Haaqî û Temsîlkarê MLKPî qise kerd û vat ke ganî Şoreşa Rojawanî ra wayir bêro vejyayişî. 
STENBOL: Hewna seba Tosunî taxa Gazîya qezaya Sultangazîya Stenbolî de kon ame akerdişî. Konî Hevserekê BDPî Gultan Kişanak û Wekîla Serekê Koma BDPî Pervîn Buldan zîyaret kerdî. Dema zîyaret kerdişî de Hevserekê BDPî Gultan Kişanak qise kerd û vat ke seba Şoreşa Rojawanî zaf hûmarî de ciwanan cuyayişên xo dayî û wina vat: "Şoreşa Rojawanî tena kurdan nêyo, heme şarê demokratî de eşkenî no şoreşê de cayê xo bigirî. Çarçiweya no felsefeyî de zî Serkan Tosun cuyayişê xo da."

Hewna bi nameyê ESPî Erkan Salduz zî vat ke înan her tim Şoreşa Rojawanî wayir bivejî, senî ke Denîz Gezmîş seba têkoşînê şî Fîlîstînî, se ey Serkan zî şî Rojawanî de şer kerd.  

(ad/mae)