Polîsan qetil Şahbazî pawitî

2013-09-23 22:10:21

STENBOL (DÎHA) - Dema qewimyayişa Gezîyê de polêsan Karker Ethem Sarisuluk qetilkerd bî û no ser zî dewa amebî akerdiş. No dewa zî Dadgeha Cezaya Gird a  Enqereyî de dest pê kerd. Sifteyin roniştişî 'seba ewlehîyî' ser beşderwanan ra qefelnayî û polês zî beşderwanan ra hêriş kerd. 

Biryara dadgehî ra malbat û pawitoxên Sarisulukî bertek mojnayî. Polêsan zî qetil Ahmet Şahbazî girewti binê ablukaya ewlehîyî û korîdora dadgehî ra vejnayî. Dema vejnayişa Şahbazî de bi seyan beşderwanan verî dadgehî de diruşmeya 'Ma hemên Ethemî û ma kiştişî de nêqedîyenî' qirayî. 

Biryara Dadgehî ser Kekoyê Ethem Sarisulukî, Mustafa Sarisuluk vat ke no dadgehî de yew tîyatro yena kaykerişî û wina vat: "Ma nika ra pey no dewayî Miyannetewî ra bikirişî û ma her tim biqirî û vajê; no dewleta tirk qetil yew dewlet a."
Dewaya Sarisuluk 28 citmengî ra ame taloqkerdişî.


(ad/mae)