Feqîr kurdî ra çik çînya!

2013-09-23 19:20:15

WAN (DÎHA) - Taxa Kîyata qezaya Gevera Colemêrgî de Ceyhan Caner(18) hegayî de xebityaynî û dema xebityayişî de zî polê ey miyanî makîneya patozî de mend û polê ey dirabî. Sifteyin Caner berdî Nêweşxaneya Dewleta Geverî û peynî zî no ca ra ambulansî de sewqê Nêweşxaneya Dewleta Wanî kerdî. Oca de zî Canerî ra doktoran bi saetan mudaxele nêkerdî. 

Mudaxela nêkerdişî ser Caner zaf guyn vînkerd, la seba ke Wanî de doktora cerraha plastîkî çînyayişî ser, ey sewqê Nêweşxaneya Dewleta Erzeromî kerdî. Malbatê Caner waştê ke Caner bi helîkoptera ambulansî de bêrî nêweşxaneyî, la îdareya nêweşxaneyî no waştişî ra verpers nêdayî û no ser zî malbat zî destûr nêdayî ke Caner berî nêweşxaneyî û no ser zî bi saetan Caner nêweşxaneyî mend. Peynî zî malbatê îkna kerdî û bi şeş saetî de Caner berdî nêweşxaneyî.  Mijar ser malbatê Caner vatê ke îdareya nêweşxaneyî nêheqî înan ra kerda û waştişê înan helîkoptera ambulansê qebûl nêkerda. 

(ad/mae)