Baluken: Biryar xeyrî resmî û bê ehlaqî yo

2013-09-05 20:27:24

ENQERE (DÎHA) -  Serekê koma BDPî û wekîlê Çewlîgî Îdrîs Baluken, derheqê dawa îstîsmara cinsî de qise kerd û ard vîr ke, dadgehî 2 biryarên înfal ra mora xo piro dayo. Çawişê pîspor ke bi girote ameyê daraznayişî serbest veradayişê ci xeyrî meşrû, xeyrî ehlaqî û dijî merdimatî yo û kerdişên dijmerdimatî ra xizmet keno vînayê û vat: "Ma berpirsîyarê herî gird AKPî vînenê."

Balûken derheqê dawaya îstîsmara cinsî de eşkerayî da û ard ziwan ke, Tirkîyayî de dijî dewlet her tim dijî kesan, civatî û fikiryayişî vinderto. Hetê bînî ra zî komarî ra naşt dewlete gurekarên xo pawito û dewam kerd: "Serede zî no sîstem semedê kurdan pêk ardêy. Hewna zî înkara kurdan kenêy. Zafêrey zî dewlete, herêmên ke kesîy sîstemî înkar kenêy de karê gemarine avera beno. Ma daraznayişê E.A. ya ke Çewlîgî de raştê îstîsmara cinsî bi destê 8 kesên ke gureyê dewletî ra lejkerî kerdê de, vîna ke heme lejkeran serbest vera day û gureyê xo dewam kenêy." 

Balûken bal ant bêvengeya rayberên Tirkîya û vat: "No mijar dinyayî de bi giraney kewto fekê zaf weşanxaneyan. No mijar resayo hemeyê dinyayî ke 8 lejkeran tecawiz kerdo. No zî bes nêbi dewa Yayla ya Dara Hênê de kenaka ke 19 serre ya kemaqil bi ra zî kewt rojevî. Pey ra keneka 17 serre A.D. 2 serran temamî bi destê 7 kesan her tim raştê tecawizî ameyo vejya meydan. Semedêke dawayan de biryara girotişî nêvejyeno ra tecawiz zêdîyeno û do bizêdîyo zî. Çimkî dewlete tecawizî keno meşrû."  

Balukenî dawa ke ame vînayişî ser de dewam kerd ke gureyê dewletî oyo ke welatijê mexdûr bipawo û dewam kerd: "Biryareke şaş ya verî, biryara dadgehî ya ke bi halê girote daraznayişê çawişê pîspor kerdê zî serbest verday. Çicayê dinyayî de benê se bibi gere 8 lejkerîy ceza xo biontaynê. No biryareke şerm dano yo."


AKP mîmarê neheqîyî ya 

Balûkenî ard ziwan ke biryarên ke ameyê dayiş bi her hawayî dij merdimatî yo û hemey bi destên AKP virazyenê û domna: "AKP bi her hawayî mîmarê karê tecawizî ya. Lazimbi ke çawişên pîspor hemeyan gere ceza bigirotaynê. Kamcin roj beno wa bido do şarê kurd heme çîyên gemarine do bivejo meydanî. 

(ad/mae)