Ganî Tirkîya Roboskîyê bêro rû bi rû

2013-09-01 14:03:31

ŞIRNEX (DÎHA) - Meclîsa Aştîya ya Tirkîyayê seba 1'ê Êlule malbatên roboskijan zîyaret kerd. Dema zîyaretî de Berpirsîyarê TBMî Hakan Tahmaz qise kerd û vat ke rayêre çareserîya kurd Roboskîyê ra vîyareno û wina vat: "Hetanî Tirkîya Roboskîyê de ri bi rû bi rû nêro pirsgirêka kurd çareser nêbeno û bermayişa mayan zî nêvîndo."

Sifteyên Endamên Meclîsa Aştîya ya Tirkîyayê sifteyin malbatan zîyaret kerdêy û peynî zî bi malbatî de mezelê şehîdên roboskijan zîyaret kerdêy. Sifteyin seba heme şehîdên Kurdistanî yew deqîqa rêzî de vindertêy. Armancê zîyaretî ser Berpirsîyarê TBMî Hakan Tahmaz agahî da û vat ke ganî dejê roboskijan bêro çareser kerdişê û wina vat: "Tirkîyayê de nika seba ravêreyeya çareserî ser cenazeya ciwanan nêno û no rewş zaf weş o. La belê pirsgirêka roboskijan çareser nêbo se zerrî ma rehet nêbeno. Hukûmat ganî nika ra pey gamên şenber bierzo, la aşkeradayişa hukûmatî de zî dîyar beno ke hukûmat nêwazeno gaman bierzo. Nika 663 roja ke mayên roboskijan çareserê wazenêy û no ser ganî ma zî têkoşînê xo bidomnêy."

Endamê BDPa Pmî Ferhat Encu zî verê qise xo de heyetê ra spas kerd û nînan ard ziwan: "Seba edeletî ser qet gam nêameya eştişê. Nika dewaya Roboskîyê ra dadgeha sîvîl nê, dadgeha lejkerî evnîyena. La waştişên demokratîkî ma ra dewlet bi lejker û polêsên xo de ma ra hêriş û tadeyê kena. Seba helînayişê ser, dewlet sere ma de polîtîkayan şixulnena. Nika Kapîtalîstan Rojhîlatê Miyanî de şaran qirkenêy û hemverî no rewşî de zî ma ra aştî lazim o. Ma her tim destê xo seba aştî derg kerdêy, çimkî ma hem axê Kurdistanê hem zî Tirkîyayê de aştî wazenêy."
Aktîvîstên Aştîyê Îbrahîm Yaylali û Meral Geylanî zî aşkera kerdêy ke seba deşîfre bîyîşa faîlên Roboskîyê ser kampanyayê ra dest pê kerdêy. 

(ad/mae)