Vatî rayîr virazenê û kerdîy otel!

2013-08-29 18:04:47

HAMDULLAH KESEN 


EDENE (DÎHA) - Şaredarîya Seyhanî semedê ke rayîrên xo daha zî hîra bikero ra xebat kerdê. Hureynîya keyeyê Hanîfî Tekîn goreya ke vajîyeno 1 trîlyon kerdêy ema 42 hezaran keyê ci bi zor ey ra girotêy û kerdê malê cemawerey û vatêy ma do tîya ra rayîr biberê û pey dayê îmzekerdiş û pey ra vejya meydan ke rayîr nê hureynîya ci de otel viraştêy û bertekên Tekînî wişk bi: "No yo paradîgmaya şaredarîya şima ya civatkî têgeyreno?'

Taxa Çinarli ya Seyhana Edeneyî de, Şaredarîya Seyhanî ke destê AKPî de ya, rayîra D-400 sero de plana îmarî de kuçeya 61004 ra vatîy rayîra 'îmarî yo' û ney semedî ra zî encumenên şaredareyî 7 Nîsan 2010 û bi belgeya humara ci 360 o, biryar girotê û hureynîya keyê Hanîfî Tekînî kerdê malê cemawerî miyan. Tekînî ard ziwan ke keyê ci bi qîmeteke zaf tayn girotê û bi zor dayê îmzekerdişî. Tekînî ard ziwan ke ey mexdûr kerdêy û waştê ke wa heqê ci bidêy.  
Tekînî dergeya qisey xo de wina dewam kerd: "Keyê min serra 2010 de ame îstimlakerdişî. Hureynîya keyê min semedê rayîrî erzan girotbîy ema na gam otel viraştêy. Helîna ma ya 45 serran xirabe kerdîy. Min û gedey min eştîy kuçe. Tîya merkeza şaristanî yo. Hegayê min bi qîmet o no gam 1 tirlîlyon keno, ema bi zor bi min deşnîşana 42 hezaran, dayeştişî û min ra girotîy." Tekînî eşkera kerd ke 10 gedeyê min ney keye de weye bîyê û wina dewam kerd: "Ma hemeyan eştîy kuçeyî. Heme çîyên ma tam bi, înan keyê min xesp kerdo. Hureynîya keyeyê min 98 mîtroqare davistîy 46 mîtorqareyî. Ey rojî ra heta ney gamî sinirê ma xirabe yo û ma hemey nêweş êy. Ez bîya nêweşê tansîyonî, heme didanên cenîya min kewtîy. Kena min zî nêweşê sînirî ya. No şaredarîyeke şaredarîyeke senîn ya civatkî ya." 

(ad/mae)