Ciwanan hemverê 'Fihuş û tiryak' de rayşîyayîş viraşt 

2013-08-29 17:50:31

MÊRDÎN (DÎHA) - Meclîsa Ciwanan a Rêxistina BDP a Mêrdînî, hemverê polîtîkayê fihûş, tiryak, dizdî û sixûrî de aktîvîteyêk viraşt.

Meclîsa Ciwanan a Rêxistina BDP a Mêrdînî, bi şiyarê "serdestî, sixûrî, fihûş, tiryak, asimilasyon û leşkeriya bi zorî ra ney" ra bajaroka Misûri de aktîvîteyêk viraşt. Rayşîyayîş ra ver meyadanê bajaroka Misûri de aktîvîteyêk amey viraştiş. 
Îdarekerê BDP û zaf kesî beşdarê aktîvîte bîyê. Berdevkê Meclîsa Ciwanan a Rêxistina BDP yê Mêrdînî Mehmet Çetîn, qalîkerdişêk kerd û va: " Sey zaf bajaranê Kurdistan Mêrdîn de zî bi zanayîş faliyetê tiryak, fihûş, sixûrî û asîmîlasyon yenê şuxulnayîş. Naye ra gere heme ciwanî hîşyar bibî." 

Qalîkerdişan ra dima seyan ciwanî meydanê aktîvîre ra heta Taxa Cevîzpinarî pê meşaleyan rayşîyayîş viraştî. Rayşîyayîş ra dima ciwanan hêna agêrayê cayê aktîvîte û heta erey şewe govend kay kerdî. 

(eş/mae)